LA VISIUN
Origen vot prolungar igl taimp da represchentaziuns agl casti da Riom ed ò incumbenso igl architect Peter Zumthor, d’examinar maseiras da construcziun tgi pussibiliteschan en travagl da producziuns extandia.
Cun la preschentaziun digl amprem sboz la stad 2013, ò Origen iniziia la discussiun publica davart l’amplificaziun digl casti da Riom. Chels resultats duessan neir integros venavant ainten la planisaziun.
Ossa è avant mang en amprem sboz e fitg marcant, tgi pussibilitescha en travagl da producziuns pi extandia aint igl casti anfignen aint per igl aton – ed interpretescha pinavant igl salv da nov e consequent scu «salle modulable» archaica, tgi vign perfranc a screiver istorgia da teater. Antras ena reconstrucziun survign igl casti ena nova veta interna. Ins vei gio da gliunsch – aint igl casti vign giuia teater.