CASTI DA RIOM
Igl casti da Riom è situo alla veia viglia romana, la pi impurtanta ruta sur las Alps tgi magna vers sid. Igl casti, tgi è nia biagia ca. anturn igl 1227 digls barungs da Wangen, è igl pi grond bietg profan digl taimp medieval tardeiv aint igl cantun Grischun. Strategicamaintg prudent è igl casti da Riom nia biagia sen en mot, danonder tgi l’antiera val ò savia neir survigilada bagn. Igl 1258 è igl casti da Riom nia vandia agl uestgia da Coira, pi tard anturn igl 1492 è el ia an possess da Banadetg Fontana, tgi è ia ainten l’istorgia grischuna scu cumbattant per la libertad.